Од легендарниот пејач и голем човек, Халид Бешлиќ, се простуваат луѓе ширум светот, од Сараево, преку Белград и Загреб, до Париз, Доха и Мелбурн. Повеќе од 15.000 луѓе се собраа пред Вечниот оган во Сараево, каде што денес беше поставена бина, за последен пат да му оддадат почит на саканиот Халид Бешлиќ.
Меѓу првите што се обратија на собирот, околу 17 часот, беше и Драган Стојковиќ – Босанац, по него зборуваше и актерот Енис Бешлагиќ, кој ја испеа една од омилените песни на Халид „Во мене е есен“.
Beogradjani se okupili da odaju počast Halidu 💔🥺 pic.twitter.com/4jfBIwd6Tt
— Jeca 4 guns (@Neodustajem) October 12, 2025
Со истата песна, како и со хитот „Романија“, од Халид се простија и граѓаните на Белград, кои се собраа во Скадарлија, исто така околу 17 часот.
Публиката заеднички ја испеа и песната „Годино врела“, дует со Дино Мерлин, објавена оваа година.
На бината кај Вечниот оган зборуваше и Дражен Жериќ – Жера:
„Ова е тоа што Халид го сакаше да се љубиме и да се сакаме. Тој беше нашата светлина. Помладите треба да продолжат по нашиот пат.“
Poslednji pozdrav Halidu Bešliću iz Crne Gore – Podgorica pic.twitter.com/rWVFaMCwTt
— Berane online (@beraneonline) October 12, 2025
Од легендарниот пејач и прекрасен човек се простува целиот свет. Во Босна и Херцеговина, организирани се собири во градовите Бања Лука, Градачац, Оџак, Орашје, Горажде, Бихаќ, Тузла и Ливно.
Меѓу градовите од регионот и светот кои му оддадоа почит се: Белград, Нови Сад, Подгорица, Загреб, Копер, Љубљана, Пореч, Осиек, Париз, Франкфурт, Минхен, Берлин, Торонто, Сиднеј, Доха и Мелбурн.
Сè започна по повикот од актерот Енис Бешлагиќ, кој порача дека треба да го славиме сето она што Халид ни го остави во аманет.
View this post on Instagram
„Тоа се песните со кои не задолжи, со кои се венчававме, плачевме, славевме и кои ќе продолжиме да ги слушаме. Недела во 17 часот ,повик до сите организации да најдат некое мало плоштадче и таму да го направат своето. Да се испраќаат слики, видеа –тоа е еден начин на благодарност, да се види низ светот, да се запраша некој: ’Луѓе, кој е починат?‘, да се запраша некој во Америка, некој во далечна Австралија: ’Кој бил тој човек?‘ – за таа приказна да продолжи. Затоа што над сè тој беше човек. Ова е промоција на човечноста, љубовта за она за што се залагам“, изјави Бешлагиќ.
