Пејачот Радиша Трајковиќ Џани и неговата сопруга Слаѓана Трајковиќ пред две вечери, на 7 ноември ја организираа прославата по повод 18-тиот роденден на нивната ќерка Софија.
Во еден познат ресторан во Белград се собрале пријателите и членовите на семејството на Софија, како и половина од српската естрада. Ацо Пејовиќ бил со сопругата Билјана, многу колеги и пријатели на Џани, Јана Тодоровиќ со ќерката Кристина Џулијан и Саша Матиќ во придружба на сопругата Анѓелија.
За забавување на гостите биле задолжени Јана Тодоровиќ, Никола Ајдиновиќ и Емир Хабибовиќ, а со оглед на тоа што атмосферата веќе била на ниво, голем дел од гостите се фатиле за микрофонот.
На социјалните мрежи се појави видео на кое Слаѓа, Дани и Ацо Пејовиќ се видно расположени, а сите заедно ја пеат познатата нумера „Све ти дугујем“. Она што многумина ги заинтригира е еден детал.
Слаѓа му дала банкнота од 500 евра на Пејовиќ, но тој ја одбил. Тогаш Џани се обидел да го земе микрофонот, но судејќи по снимката, Слаѓа сакала да го слуша Аца, па му го вратила микрофонот.
„Ама ликот на Слаѓа кога ќе ја одбие е сѐ“, „Ау, каква непријатност, хахаха“, „Не е баш сѐ до парите“, „Господин човек, дошол кај пријател, не е на тезга“, се само дел од коментарите.
Ќерката на Џани и Слаѓана Трајковиќ го прослави полнолетството во еден елитен ресторан во Белград.
Гордата мајка Слаѓа откри што ѝ подариле за роденден на нејзината наследничка.
– Ќе добиеше порше ако го положише возачки испит, но бидејќи не положи, доби стан. Во Белград на вода, се разбира. Па, каде би одела освен до своите родители? – рече Трајковиќ.
