Српската пејачка Милица Тодоровиќ синоќа го прослави својот 33 роденден во луксузен бар во Белград, а во еден момент се расплака.
Во присуство на нејзиното семејство, пријателите и колегите, на прославата пеела Индира Радиќ, а гости биле Гога Секулиќ, Илда Шаулиќ, Стеван Анѓелковиќ, Марина Вишковиќ и други.
– Драга моја Милице, сакам вечерва да блеснеш со сиот свој сјај, да постигнеш сѐ што не си постигнала и да ги исполниш сите твои очекувања, бидејќи тоа го заслужуваш. Ти посакувам блескава година, полна со љубов, полна со среќа, полна со здравје, тебе и на твоите најблиски. Среќен роденден Милица – ѝ честиташе Индира на Милица пред сите кои ѝ се придружија на подиумот и заедно го отпеаа големиот хит: „Три чаше“.
Во тој момент за Милица пристигнала торта и шампањ, што многу ја разнежнило, па неможела да ги задржи солзите, а Индира цело време ја гушкала.
