Хрватската пејачка Маја Шупут е неразделна од Шиме Елез, кој е препознатлив по учеството во шоуто „Господин совршен“ и сега повторно беа снимени заедно.
Маја и Шиме беа фатени на островот Ист оваа сабота, кратко пред настапот на Маја. Обожавател ги снимил на вечера, а тие биле расположени и мавтале кон камерата. Ден потоа, тие се држеле за раце за време на прошетка.
@24sata Sve bliskiji? Maja Šuput i Šime Elez viđeni na otoku Istu #24sata #majasuput #šimeelez #gospodinsavrseni #ist ♬ original sound – 24sata
Елез неодамна се појави во видеото на Маја за песната „Нисам ја за мале ствари“, а по снимањето во Истра, се чини дека двојката доста се зближила.
Тие беа фатени како разменуваат бакнежи на јахта, а сè почесто можат да се видат заедно.
Шупут веќе зборуваше за нивната врска и рече дека не сака да го „убие шармот“ откривајќи ги сите детали.
„Во тренд сме со денови, а не знам дали е тоа поради песната или луѓето се обидуваат да се убедат себеси дали има хемија или не, сами да проценат кога ќе го гледаат видеото – дали сме толку добри актери или е навистина вистинска хемија“, изјави таа за списанието „Ин“.
Елез претходно проговори за сето ова и рече дека отсекогаш бил транспарентен, а тоа ќе биде случај и овој пат.
