Српскиот пејач Никола Роквиќ пред неколку дена пеш тргна кон Атина, поточно до манастирот Свети Нектариј Егински, а сето тоа поради хуманирарна мисија – по пат ќе собира средства за детската онкологија.
Пеш ќе помине 1.060 километри, а дневно поминува околу 30 километри.
Неговата сопруга, манекенката Бојана Баровиќ сега на Инстаграм покажа како таа и децата го изненадиле Никола на неговото патување.
View this post on Instagram
Имено, тие се сретнале со него, а потоа продолжиле за Грција каде што ќе го чекаат таму за заедно да го поминат Велигден.
„Денеска накратко го посетивме тато и го чекаме за една недела заедно да го прославиме најрадосниот празник. Дотогаш, ние сме на заслужен училишен распуст и мислам дека тука им е малку полесно без тато“, напишала таа во видеото.
Бојана на својот инстаграм-профил сподели фотографија на која тие се насмеани со натпис: „Кога на пат ќе сретнеш некого. Среќен празник“.
View this post on Instagram
Потсетуваме, Бојана и Никола ја основаа фондацијата „Семејство“ во чии рамки ќе им помагаат на многудетните семејства, загрозените, талентираните и болните деца.
Инаку, Роквиќ вчера одлучи да го собори личниот рекорд, најавувајќи дека планира да помине дури 38 километри, во што и успеа.
Пејачот веднаш се пофали со својот успех на својот профил на Инстаграм, објавувајќи фотографија од својот часовник кој му ја мери километражата.
