Пејачот Никола Роквиќ одлучи да тргне пеш во Грција, односно до манастирот Свети Нектариј Егински, а по пат ќе собира средства за помош на многу семејства, но најважно на болните деца.
Пејачот вчера тргна од храмот Свети Сава, а на својот Инстаграм редовно ги известува своите следбеници за патувањето. Роквиќ зборуваше на вториот ден од подвигот и раскажа каква е ситуацијата по пат.
– Има силен ветер, но не е страшно, бидејќи нема дожд – рекол Никола во краткото видео кое го сподели на социјалната мрежа Инстаграм, а потоа повторно се огласи.
– Велам: „Добро е, не врне“. Луѓето убаво кажуваат: „Ќути, не зборувај“. Нека врне, се е во ред. Само да бидам среќен. На здравје, луѓе – изјави пејачкот.
Инаку, тој и неговата сопруга Бојана основаа фондација која ќе им помага на најзагрозените.
– Ве информираме дека јас и Никола ја основавме фондацијата „Семејство“ која ќе се занимава со зачувување на традиционалните вредности и семејството како институција и како свето место. Фондацијата ќе им помага на семејствата со многу деца, ранливите, талентирани и болни деца. И нашата прва мисија ќе биде помагање на детската онкологија – изјави сопругата на пејачот.
