Српската пејачка Весна Змијанац завршила во Ургентниот центар во Белград, објавија регионалните медиуми.
Таа самата повикала брза помош откако одеднаш ѝ се слошило. Изворот рекол дека моментално се чувствува добро.
Пејачката сега проговори и откри што точно се случило и како се чувствува во моментов.
– Имав аритмии, не ми годат временските промени. Да се јавував за секоја ситница, немаше да излезам од болница, но денес многу ми се слоши – рече Весна и објасни дека причината за влошувањето на состојбата е преголемиот физички напор и исцрпеност:
– Мислам дека се напрегнав, бидејќи вообичаено одмарам и не пеам толку многу во текот на летото. Ова е многу за мене – додаде таа за „Блиц“.
Одамна е познато дека има проблеми со срцето. На почетокот на 2023 година, таа беше подложена на операција и ѝ беа вградени три бајпас стентови. Неодамна отворено зборуваше за своето здравје.
„Се наоѓаш во ситуација каде што мора да направиш бајпас, а Бог знае колку си бил внимателен. Сега не се грижам за ништо, сега јадам што сакам. Очигледно нема никаква врска со храната. Сега сум добро. Можам да дишам, срцето ми е добро. Не сум толку агилна како порано. Не можам навистина да трчам“, рече таа.
Змијанац со години има проблеми со тироидната жлезда. Таа рече дека се плашела да оди на операција.
