Пејачката Весна Ѓогани проговори за врската со сопругот Ѓоле Ѓогани и со својата изјава изненади многумина. Имено, Весна откри дека таа и Ѓоле не си велат „те сакам“, туку тоа го кажуваат исклучиво на децата.
– Нашата работа не е за жени, треба да си каубој и да си офарбан во сите бои. Нѐ викаат необразовани, тапи и глупи. Со Ѓоле сме заедно од 2003 година, немаме ни конкретен датум – изјави пејачката.
– Ѓоле е 18 години постар од мене, но не ја гледам таа разлика. На некои девојки или жени не им се допаѓа таа разлика, јас сум некој што не знаеше која сум, што сум и каде сум, па ми одговараше што некој беше таму да се грижи за мене, а сега кога сум позрела, сè уште ја чувам таа сензуалност. Знам кога да му покажам заби, сето тоа се квалитетни и важни женски игри. На крајот на денот се борам за нашата врска, за нашите деца, јас сум пример за моите деца за утре. Ние не си кажуваме „Те сакам“, ниту тој мене, ниту јас нему – искрена беше Весна во емисијата „Премиера – Викенд Специјал“.
Да потсетиме, Весна и Ѓоле Ѓогани приредија голема прослава за нивниот син Адријан по повод неговиот 18 роденден.
Семејството Ѓогани собрало бројни гости во престижен ресторан, а за славеникот подготвиле краток филм за неговиот живот , кој бил многу емотивен за сите присутни.
Инаку, пред почетокот на прославата, Адријан Ѓогани за првпат застана пред камерите и зборуваше за односот со родителите.
„И двајцата имаа големо влијание врз мене, не можам да ги одвојам“, изјави Адријан.
