Финалето на музичкиот натпревар „Ѕвездите на Гранд“ се одржа во сабота, 5 јули, а победата ја освои Никола Станишиќ од Македонија, чиј ментор беше Цеца Ражнатовиќ. Натпреварот беше возбудлив до самиот крај, а публиката преку СМС гласови одлучуваше кој ќе го освои првото место и вредните награди.
Вдовицата на Саша Поповиќ – поранешниот креативен директор на Гранд и креатор на идејата за „Ѕвездите на Гранд“, пејачката Сузана Јовановиќ, на победникот му врачи посебен трофеј на финалето.
Кога впечатоците се смирија, Сузана Јовановиќ се огласи преку својот Фејсбук профил и напиша:
– Честитки до победникот на овогодишната сезона на „Ѕвездите на Гранд“, напиша Сузана Јовановиќ и додаде емотикон со македонското знаме, бидејќи овогодишниот победник е од Скопје.
Таа сподели и емотивна фотографија на која го прегрнува Никола Станишиќ во моментот кога беше објавено дека тој победил.
Никола Станишиќ доби автомобил
Никола Станишиќ, победникот на музичкиот натпревар „Ѕвездите на Гранд 2025“, денеска ја доби вредната награда и клучевите од својот нов автомобил.
