Пензионирањето на најдобриот играч на американскиот фудбал на сит времиња, Том Брејди предизвика стотици гласини и шпекулации околу тоа што сега ќе прави победникот на седум Супер Боулови во НФЛ.
Веќе неколку месеци, по разводот со бразилскиот супермодел Жизел Бундхен, Брејди е предмет на илјада гласини поврзани за љубовниот живот – која ќе биде новата „сопственичка“ на неговото срце или која убавица би можела да го освои на љубовниот фронт.
Но, убавиците кои се подготвени да кренат рака, ќе мора да почекаат, бидејќи според неколку извори блиски до Брејди, кои разговарале за британски „Пејџ сикс“, сега веќе поранешниот бек на Њу Ингланд Патриотс и Тампа Беј Баканиерс не планира да излегува со никого, бидејќи сака да се концентрира на одмор, да биде со своите три деца и да се грижи за својот бизнис.
Всушност, Брејди изнајмил голем стан во Сурфсајд, една од најексклузивните области на Мајами, и излегува со неколку пријатели кои ги има во таа област, меѓу кои и поранешниот британски фудбалер Дејвид Бекам.
Се верува дека видеото со кое тој го најави своето повлекување од НФЛ е снимено во областа на плажата каде што се наоѓа станот.
Retiree Tom Brady’s next move is probably not dating, sources say https://t.co/mMHvLSxR5V pic.twitter.com/4MOvIyWuRI
— Page Six (@PageSix) February 2, 2023
Според изворите цитирани од страна на „Page Six“, Брејди ќе биде посветен речиси целосно на своите деца – двете што ги доби во врската со супермоделката Бундхен (Бенџамин, 13 и Вивиен, 10), како и со својот првороден син Џек (15), кого го доби од врската со актерката Бриџит Мојнахан.
„Брејди даде се од себе во последната сезона во НФЛ, но сега е подготвен да даде се за своето семејство и неговиот нов живот“, изјави извор.
View this post on Instagram
„Неговите деца, на крајот на краиштата, беа причината што тој ја донесе оваа одлука за пензионирање. Никогаш не мислеше дека тој и Жизел ќе се разведат. Тој не го сакаше разводот“, додаде изворот.
