Победата на неодамна одржаниот српски музички натпревар „Песма за Евровизију“ ја однесе пејачот Стефан Здравковиќ, познат како Принцот од Врање, кој со песната „Мила“ ќе ја претставува Србија во швајцарскиот Базел на претстојната Евровизија 2025.
Оттогаш, за Принцот од Врање почнаа да кружат разни пикантерии, некои вистинити, некои измислени. Така, на социјалната мрежа Икс се појавија шокантни пораки за кои тврдат дека Принцот од Врање наводно ги праќал на девојчиња.
„Колку години имаш?“
„17“
„Аууу”
„Знам“
„На која возраст си?“
„06“
„Лелеее“
Откако победи на Евровизија, на интернет почнаа да кружат негативни коментари за него, а сега сè отиде многу далеку. Имено, Стефан го обвинија за наводна педофилија, на што веднаш реагирал и сè пријавил во полиција.
Пејачот рекол дека се работи за местенка и дека разбира дека на некои не им се допаѓа тоа што ќе ја застапува Србија на Евровизија, но дека сето тоа отишло предалеку.
– Прифаќам дека на некои луѓе не им се допаѓа да ја претставувам Србија на Евровизија, но не прифаќам ваков вид на сајбер криминал. Случајот е пријавен во Одделението за високотехнолошки криминал. Тие се многу успешни во решавањето на ваквите работи – рекол Принцот од Врање за српски „Телеграф“.
