Младата српска пејачка Милица Јокиќ проговори за раскинувањето со Лука Дачиќ, синот на политичарот Ивица Дачиќ, и откри дека по долгогодишна врска, тие донеле заедничка одлука да раскинат.
Пејачката Милица Јокиќ гостувала во емисијата „Амиџи шоу“, каде што проговорила за своето поранешно момче, Лука Дачиќ, како и за тоа во какви односи се сега.
– Дали Лука раскина со тебе или ти со него? – гласело прашањето.
– Тоа е меѓусебен договор. Се познаваме многу долго време и пред сè, сме добри пријатели. Останавме добри пријатели, ништо повеќе – рекла Милица.
– Кој од мажите од домашната јавна сцена е физички по твој вкус? – гласело прашањето.
– Размислував за тоа неколкупати, но не знам. Нема – одговорила таа со смеење.
Милица Јокиќ ја разголила својата душа пред камерите и проговорила за својот емотивен живот.
Како што навела, сега е слободна, а мажите ја облетуваат.
– Ми се додворуваат момчиња, ми се додворуваа и порано, а сега кога сум слободна, уште повеќе, порано претпоставувам дека не смееја да ми приоѓаат и да ми пишуваат. Денес, мажите се поплашливи од жените, жените во секоја смисла го водат орото – рекла таа и додала каков маж посакува:
– Дефинитивно ми треба некој што ја разбира мојата работа и кој не е од оваа професија. Да е добар човек, да е искрен и да има разбирање. Сакам да се остварам во улогата на мајка кога тогаш, но секако има време, за сè доаѓа момент – открила таа.
За потсетување, пејачката Милица Јокиќ и синот на политичарот Ивица Дачиќ, Лука Дачиќ, ставија точка на нивната тригодишна врска.
Милица постојано зборуваше за деталите од врската со Лука Дачиќ и неговото семејство, а во една прилика откри како поминало нивното познанство.
– Се знаеме долго време, пред да влеземе во врска се запознавме преку пријател, се знаеме веројатно 10 години. Јас сум две години помлада од него, имам 23, а тој ќе наполни 25. Мислам дека повеќе му се допаднав. Потоа почнавме да се гледаме малку почесто и ни се допадна. Заедно се појавивме на некој настан и следниот ден сите го најавија тоа. Заедно сме речиси три години – изјавила тогаш Милица.
