Водителката Сања Кужет е една од оние јавни личности кои ретко зборуваат за својот приватен живот.
Сепак, во интервју за Гранд, таа го отвори срцето и ја раскажа својата љубовна приказна со Немања, која би можела да им послужи како инспирација на многумина.
Сања и Немања се запознале кога таа имала 21 година, а тој 23. Се сретнале на Крит, и како што вели водителката, сè започнало случајно.
– Се запознавме во авионот, а потоа и за време на летниот одмор. На крајот завршивме заедно, иако во тоа време не стануваше збор за романтични искри, туку само за пријателство. Дури по враќањето во Белград се роди симпатија и кратка врска. Сепак, сè помина брзо – се присети Сања.
View this post on Instagram
Животот ги разделил некое време, а Сања призна дека во меѓувреме била заљубена во сосема друга личност. Сепак, десет години подоцна, повторното обединување со Немања променило сè.
– Кога повторно се видовме, имав впечаток дека станува збор за сосема друга личност и дека почнуваме од нула. Се испостави дека тоа е вистинска љубов – откри Сања.
Иако долго време се во врска и имаат семејство, Сања и Немања не се венчани. Тоа, како што вели таа, воопшто не им пречи во нивната среќа.
– Нашиот статус е „невенчани сопружници“, како што велат денес. Убаво ни е и не им робуваме на формите. Љубовта и врската се она што нè исполнува – рече Сања, која пред една година го роди својот трет син.
View this post on Instagram
