Арнолд Шварценегер зборуваше за операцијата поради која, како што вели, можеше да умре.
„Се сеќавам кога ја имав мојата трета операција на отворено срце. Тоа беше пред само неколку години, непосредно пред да почнеме со снимањето на ‘Терминатор 6’. Бев навистина откачен. Многу ми е жал, но не одеше онака како што планиравме“, рече актерот.
Тој додаде дека требало да биде едноставна процедура, но сè се комплицирало кога лекарите по грешка му го пробиле ѕидот на срцето предизвикувајќи внатрешно крвавење. Поради ова, лекарите морале да му ги отворат градите на Шварценегер за да му го спасат животот.
„Се прашував како да се извлечам од сè. Во филмот требаше да трчам, да снимам сцени со тепачки, да кревам разни предмети. Но, првин морав да излезам од болница. Ми помогнаа пријателите, кои ме мотивираа“, додаде актерот.
Неговото закрепнување напредуваше бавно, од 10 чекори дневно до секојдневни прошетки низ болницата.
На крајот, Шварценегер го продолжил закрепнувањето дома и можел да се подготви за снимање.
