Маж загинал во пожарот во трговскиот центар Мега Химки.
Порака за пожар во трговскиот центар Мега Химки во Москва, службите за итни случаи примиле утрото во 05:59 часот по моковско време (7.59 по мкедонско).
Во зградата на трговскиот комплекс се сместени хипермаркетот OBI, Auchan, Mega и десетици други продавници.Првите пожарникари пристигнале на местото на настанот во 6:19 часот наутро – 20 минути откако се вклучил алармот за пожар, „имало запален покрив“ на хипермаркетот.
Според прописите, времето на пристигнување на првата единица до местото на јавување во урбаните населби и градските квартови не треба да надминува 10 минути. Така пожарникарите доцнеле 10 минути, пренесуваат руските медиуми.
Пожарот настанал во магацинот на продавницата ОБИ, каде имало мебел и дрвени конструкции. Потоа пожарот го зафатил целиот простор на супермаркетот, па почнае и експлозии.
Извор од службите за итни случаи изјавил за РИА Новости дека експлодирале производи од боја и лакови – конзерви со бои и аеросоли.
„Поради уривањето на покривот и моменталниот пристап на кислород, настанале силни конвективни струи. Како резултат на тоа, пожарот брзо се прошири на голема површина “, објаснува изворот.
Тој додаде дека гаснењето го отежнале конструктивните карактеристики на објектот и уривањето на покривот. Во гаснењето на пожарот учествуваа вкупно 41 пожарникарски возила и речиси 130 лица.
Според ТАСС, пожарот речиси целосно го уништил хипермаркетот ОБИ – останале само носечките конструкции.
Телеграм профилот База објави и видео од една од експлозиите, на снимката се гледа како луѓето бегаат од урнатините.
Московјанката Ирина, која живее до хипермаркетот, изјави за газета.ру дека трговскиот центар се наоѓа меѓу станбени згради.
Според набљудувањата од една куќа оддалечена 200 чекори, се чул звукот на експлозијата “бум“, а куќата од 20 ката се затресла, како да има силен земјотрес, се тресел и подот.
Според неа, експлозијата била околу 6:15 часот, кога во трговскиот центар имало малку луѓе, но „секогаш има персонал кој се подготвува за отворање на продавници и обезбедување“.
