Сослушувањата завршуваат, но поранешните сопружници не престануваат да го хранат светот со ужасните приказни од нивната кошмарна венчавка. Во исчекување на нови сведоштва – адвокатите на Деп би ја сакале во судницата и Кејт Мос – еве ги најексплозивните откритија (досега).
Судскиот процес за клевета поднесен од Џони Деп против Амбер Херд (со барање за отштета од 50 милиони долари) речиси заврши, но не престануваат да се случуваат пресврти. Сослушување по сослушување, Амбер и Џони на суд го хранат светот со ужасната приказна на кошмарниот брак заснован на насилство, крв и тепање. И со тоа тие ја претворија личната трагедија во шоу за гледање на Јутјуб или ТикТок.
Според проценките на News Whip, во Америка случајот Деп-Херд ги соборил сите рекорди, вклучувајќи написи, пребарувања на Google и социјалните мрежи, со внимание кое отсекогаш било резервирано за спортски настани од калибарот на Супер Боул. Не е ни чудо: помеѓу шокантни приказни, пресврти, приказни за насилство и славни протагонисти, судењето што започна во Вирџинија минатиот 12 април е достојно за холивудски блокбастер.
Пред само неколку дена адвокатите на Деп пред судот претставија видео кое покажа дека Амбер, во времето кога била во брак со Пиратот од Карибите, имала афера со нејзиниот колега Џејмс Франко. Видеото го прикажува актерот како ја потпира главата на рамото на Херд, пред да влезе во нејзиниот стан на поткровје. Амбер се бранеше со објаснување дека тие биле „само пријатели“. И го повика Франко да сведочи. Сепак, тој не прифатил. Наместо тоа, сведочеше сестрата на актерката, Витни Хенрикез. И кажа многу работи, сите многу тешки. На пример, дека неколку пати користела кокаин со Деп. И дека еднаш Амбер, за да ја одбрани од нејзиниот сопруг кој заканувачки тргнал кон неа, му удрила шлаканица. На што тој реагирал фаќајќи ја за коса.
Исто така во последните неколку рочишта излезе сензационална лага на Амбер. Актерката постојано кажуваше дека седумте милиони добиени од разводот со Деп ги донирала во добротворни цели. На суд мораше да признае дека тоа не е вистина. Таа не го сторила тоа, вели самата, затоа што нејзиниот поранешен сопруг ја тужи за 50 милиони долари (за авторски текст во Вашингтон пост во кој обвини за семејно насилство и злоупотреба без воопшто да го наведе неговото име директно) во март 2019 година: „Имам намера да ги почитувам сите мои обврски. Би сакала Деп да престане да ме тужи за да можам да ги донирам парите“.
Многу гледачи на судењето забележале и бизарна работа за време на сослушувањето на Херд. Се гледа како актерката носи марамче до носот, го отвора и ја затвора едната ноздра со прст. Тогаш Амбер изгледа како да вшмукува нешто што е внатре во марамчето. Никој не знае што прави, но многумина мислеа дека се работи за дрога. Дури и ако здравиот разум сугерира дека би било многу чудно да шмркаш во судница.
Сега адвокатите на Деп сакаат во судницата да ја донесат супермоделката Кејт Мос, поранешната девојка на Џони од 90-тите. Херд, всушност, тврди дека некој и рекол дека во минатото Деп ја турнал поранешната девојка: „Мислам дека тоа беше Кејт Мос, ја турна по скалите“. Бидејќи Деп и Мос останаа во одлични односи, тврдењето може да стане автогол за Амбер.
Од судскиот процес досега излегоа страшни откритија, меѓу кои и отсечени прсти, фрлање шишиња вотка по главата, човечки измет оставен на брачниот кревет поради инает… Ова е само за да се сумираат делата што ѝ се припишуваат на Амбер, која од своја страна постојано се колне дека била злоставувана, вклучително и сексуално, од нејзиниот поранешен сопруг. На крајот, таа дури и рече дека тој, за време на нивниот меден месец на возот Ориент Експрес, сакал да ја убие: „Долго ми ги тресеше вратот држејќи го со рацете надвор од прозорецот на вагонотот, се плашев дека ќе умрам“.
Судењето е пред крај, но во никој случај не е исклучено дека во следните рочишта протагонистите ќе го нахранат светот со дополнителни детали за кошмарниот брак (и разводот). Како и да испадне, имиџот на двајцата актери веќе е уништен.
На социјалните мрежи Џони Деп веќе победи. Повеќето корисници не се сомневаат кој е во право во најжешкиот процес во моментот. Само на ТикТок видеата со хаштаг во корист на Деп, #justiceforjohnnydepp, имаат над 12 милијарди прегледи. Оние со хаштаг во корист на Херд „само“ 50 милиони.
