Пејачката Емина Јаховиќ уште еднаш докажа зошто се смета за една од најубавите дами на јавната сцена. Иако влезе во петтата деценија од животот, изгледот на Емина е конкуренција на нејзините многу помлади колешки, а тајната на нејзината совршена фигура лежи во напорниот тренинг и дисциплината.
Имено, Емина сподели фотографија од теретана на својот инстаграм-профил, која веднаш ги „запали“ социјалните мрежи. Позирајќи пред огледалото, пејачката го покажа своето извајано тело во спортска облека.
Таа носеше едноставна сива маичка која, за дополнително да ги истакне своите атрибути, ја крена нагоре и направи импровизиран топ, откривајќи брутално рамен стомак и јасно дефинирани стомачни мускули. Црните спортски хеланки совршено ги истакнуваа нејзините витки нозе, а целиот стајлинг го комплетираше со дискретен златен накит.
Заедно со фотографијата, Емина го стави описот: „Ден 1 од подготовките за летото“, давајќи до знаење дека, иако изгледа фантастично, секогаш се стреми кон подобро и дека веќе интензивно се подготвува за претстојната пливачка сезона.
