Руското Министерство за надворешни работи објави список од речиси илјада американски државјани на кои им е забранет влез во Русија, наведувајќи дека на списокот има 963 граѓани, меѓу кои и американскиот претседател Џо Бајден. Мерката е донесена како одговор на американските антируски санкции.
Покрај Бајден, на листата се и државниот секретар Ентони Блинкен и шефот на ЦИА Вилијам Барнс, како и извршниот директор на Мета Марк Закерберг и актерот Морган Фримен.
Помеѓу 963 американски личности на кои им е забранет влезот на територијата на Руската Федерација како одговор на „непријателските акции“ на Вашингтон се политичари, новинари, па дури и мртви луѓе, како што е поранешниот републикански претседателски кандидат Џон Мекејн, кој почина во 2018 година.
Поранешен претседател на САД Доналд Трамп не е забранет.
Дополнително, „како одговор на новите санкции објавени од канадските власти“, Русија им забрани влез во земјата на 26 канадски државјани, вклучувајќи ја и сопругата на премиерот Џастин Трудо, Софи Грегоар Трудо и командантот на канадските воздухопловни сили Ерик Џин.
Минатиот месец Москва им забрани на десет британски владини претставници да влезат на нејзина територија, вклучително и на премиерот Борис Џонсон, министерката за надворешни работи Лиз Трас и министерот за одбрана Бен Валас.
