На разговорите меѓу Русија и Украина во Истанбул, Турција е и рускиот олигарх Роман Абрамович.
Сопственик на Челзи, клуб кој е на продажба, разговарал со турскиот претседател Реџеп Таип Ердоган пред почетокот на преговорите.
„Тој не е официјален член на руската делегација, но е вклучен во обезбедувањето контакти меѓу Москва и Киев“, изјави портпаролот на Кремљ, Дмитриј Песков. Неговото учество на преговарачката маса „беше одобрено од двете страни“, додал Песков.
Што се однесува пак до наводното труење на Абрамовиќ, Песков објасни дека станува збор за лажни вести кои се дел од „информативната војна“.
„Сето ова е дел од информациската саботажа, од информациската војна. Овие извештаи очигледно не одговараат на реалноста “, рече Песков, осврнувајќи се на обвинувањата упатени против Русија за вмешаност во наводното труење.
