Водителката Јована Јеремиќ неодамна ја раскина врската и свршувачката со бизнисменот Драган Станковиќ, со кого, како што се пишуваше, прекинала секаков контакт.
Меѓутоа, како што ексклузивно дознава српски „Телеграф“, Јована и Драган почнале да се гледаат во строга тајност кратко време по раскинувањето на свршувачката, со цел да се избегне каква било можност некој однадвор да ја загрози нивната врска и потенцијалното помирување.
– Јована и Драган се гледаат постојано, тоа е вистината. Тие раскинаа и во моментов не се заедно, немаат никаков машко-женски контакт, знаете на што мислам, но се обидуваат да си помогнат еден на друг преку разговори и да го решат главниот проблем и причината зошто повеќе не се заедно – открива извор за „Телеграф“.
– Тие безгранично се сакаат, причина за разделбата не е недостатокот на љубов. Други работи се во прашање, но никој од нив не сака јавно да зборува за тоа. Сега се обидуваат да го надминат тоа и си дале време и себеси, а и еден на друг, за тоа нешто што ги мачи, да дојде на своето – раскажал соговорникот.
Во оваа прилика од редакцијата на „Телеграф“ се обиделе да добијат коментар од Јована и Драган, но таа само кратко рекла дека не сака да коментира ништо поврзано со тоа.
Инаку, Јована неодамна откри дека нејзиниот иден партнер мора да има целосно разбирање за нејзината професија.
– Маж кој ме сака е осуден да ме дели со сцената, кој не може да го направи тоа, нема што да бара во мојот живот – напишала водителката на Инстаграм.
Меѓутоа, за време на нивната љубов, Станковиќ покажал големо разбирање за нејзината работа и често учествуваше во неа.
