– Денес и утре времето во Македонија ќе се задржи стабилно, суво и сончево со мала локална облачност. Ќе дува слаб до умерен ветер од јужен и од југоисточен правец. Температурите ќе се искачуваат во интервалот од 15 до 20 степени, вели нашиот прогнозер Славчо Попоски.
Зголемување на облачноста ќе има утре кон крајот на денот и во вечерните часови, а доцна навечер и во текот на ноќта кон вторник од запад ќе се прошируваат врнежи од дожд. Врнежи од дожд ќе има и во вторник, кога ќе дува и умерен до засилен ветер од југоисточен правец. Сепак до крајот на денот врнежите во најголем дел од државава ќе престанат.
Локално, и тоа особено на запад врнежите ќе бидат ПОИНТЕНЗИВНИ и ќе наврнат околу 20 л/м2 воден талог. Температурите во вторник ќе бидат нешто пониски и ќе се искачуваат во интервалот од 8 до 15 степени, а значителен пораст на истите ќе има од среда и тоа поради јужното воздушно струење, додека времето ќе биде променливо облачно со сончеви периоди.
Во Скопскиот регион утре ќе се задржи стабилно, додека во вторник ќе има зголемена облачност, проследена со врнежи од дожд и умерен до засилен ветер од југоисточен правец. Температурите ќе се искачуваат во интервалот помеѓу 15 и 17 степени. Пораст на температурите и во Скопскиот регион ќе има од среда кога истите ќе се искачат и над 20 степени.
