Пејачот Ацо Бабиќ, кој своевремено пееше во бендот „Маратонци 021“, почина по долго и тешко боледување на 52-годишна возраст. Погребот е денеска на градските гробишта во Нови Сад.
На социјалната мрежа Фејсбук, пријателите и колегите се збогуваат од Ацо со потресни зборови:
„Твоите песни остануваат…“, „Малку е да речам дека сум шокиран… патувај со Господ, ќе те паметам“, „Последен поздрав до мојот драг колега… Патувај со ангелите. Мое искрено сочувство до семејството“…
Ацо Бабиќ е роден на 13 април 1973 година во Бјелина, како трето дете. Имал и две постари сестри. Бабиќ пораснал и се школувал во Угљевиќ, Босна и Херцеговина.
Неговиот авторски талент и песните за кои самиот ја пишувал музиката и текстовите го вовеле и во нов начин на учество во естрадната сцена, поради поканите од колегите за соработка на нивните албуми. Се појавил како автор на песни за Аница Миленковиќ, Феѓа Диздаревиќ, Кади…
.
