Жаклин Кариери, поранешна мис и мајка на две деца, почина на 48-годишна возраст, а најверојатна причина за смртта е мозочен удар, кој настанал како последица на компликации по пластична операција, односно појава на згрутчување на крвта, пишува „Дејли мејл“.
View this post on Instagram
Жаклин наскоро требало да го прослави својот 49-ти роденден. Операцијата била направена на 1 октомври во неименувана клиника во Лос Анџелес.
Тажната вест за смртта на мисицата ја потврди семејството.
Веста за смртта на поранешната мис Жаклин Кариери беше објавена и на фејсбук-страницата „Reinas Vendimiales San Rafael Mendoza“.
Децата на Жаклин, Клои и Џулијан биле со неа кога таа починала, јавуваат аргентинските медиуми.
Жаклин освои неколку титули за убавина во 1996 година во Аргентина. Таа беше во врска со синот на познатиот новинар Хорхе Кинтана. Студирала на Националниот универзитет Ломас де Замора во близина на Буенос Аирес.
View this post on Instagram
Таа успешно ја водеше продавницата за облека „Жаклин Кариери бутик“ , но во текот на пандемијата на коронавирусот, таа била принудена да го прекине тој бизнис. Семејството и пријателите ја опишуваат како многу талентирана и прекрасна жена.
Жаклин со години водела сметка за стајлингот на девојките кои се натпреварувале на изборот за убавина во Сан Рафаел.
