Пентагон и американскиот Стејт департмент ја разгледуваат можноста да испратат специјални сили за заштита на американската амбасада во Киев. „Ги испитуваме безбедносните услови“ на дипломатската канцеларија во Украина „но не е донесена одлука“, нагласи Кирби.
Портпаролот на Министерството за одбрана Џон Кирби изјави за Вашингтон пост и Волстрит журнал – „Ги испитуваме безбедносните услови“ на дипломатската канцеларија во Украина „но не е донесена одлука“, нагласи Кирби. Волстрит журнал откри дека американските воени претставници и дипломати размислуваат да испратат специјални сили за заштита на американската амбасада во Киев, која штотуку е отворена, пренесува раињуз. Предлогот се уште не е претставен на американскиот претседател Џо Бајден, посочуваат изворите. Доколку се донесе одлуката, присуството на американски војници во Украина би ескалирало од првичното ветување на Бајден дека ниту еден американски војник нема да стапне во Украина.
Во меѓувреме, Русите ги концентрираат своите сили на нападот на Северодонецк кој „се претвора во нов Мариупол“: на Телеграм објави украинската комесарка за човекови права Рада Људмила Денисова, пренесува Укринформ. „Непријателските напади постојано се изведуваат во многу области, а населбите се бомбардираат со ракети од артилериски системи. Непријателот ги концентрираше сите свои сили на нападот на Северодонецк, на чија периферија постојано се водат битки. Градот се претвора во нов Мариупол“, рече таа.
Руските преговарачи, пак, негираат дека отвориле можност за размена на заробеници меѓу борците на баталјонот Азов и прорускиот олигарх Медведчук. Зеленски, пак, ја поврзува судбината на воените херои со самите мировни преговори. Но, Москва сака да им суди на затворениците.
