Малкумина знаат дека и сестрата на Нина Бадриќ, Сунчица е и музички талентирана. Некогаш придружен вокал во Хрватска, Германија и Италија, Сунчица сега сними емотивна балада на италијански јазик и, се чини дека е на прагот да влезе на светската музичка сцена, пишува Tportal.
Песната „Il Fuoco Dentro“ („Пламенот во мене“) e поп-балада со препознатлив Санремо призвук и емотивен текст, а Сунчица ја пее на италијански јазик.
„Музиката не е работа за мене, таа е чиста љубов. А оваа песна е мојот момент – момент да споделам со другите што чувствувам“, рече Сунчица.
View this post on Instagram
Сунчица со години живее и работи во Рим, каде што се скрасила со нејзиниот син Марк, откако некое време живеела во Германија. Иако работела како менаџер на Нина некое време, таа се повлекла од поп-музиката, но и од Хрватска, избирајќи сосема поинаков живот во Италија.
И покрај километрите што ги делат, Нина и Сунчица сè уште се исклучително блиски и поврзани, а пејачката често ги посетува неа и нејзиниот внук во Рим. По повод роденденот на Сунчица, Нина ѝ напиша:
„Никогаш не сум ти удрила чврга, а си заслужила барем неколку пати. Слаба на тебе секогаш и засекогаш. Не затоа што си моја, туку ти си најдобрата, најубавата сестра на светот и ми требаш во сè. Јас сум твојот ураган, ти си моето мирно пристаниште. Задник и гаќи, држава во држава. Рашири ги рацете, смеј се од сесрце, најдоброто допрва доаѓа! Моја гордост и моја љубов, моја нежна мачка и мој лав. Среќен роденден, те сакам најмногу на светот.“
По повод објавувањето на нејзината балада, Сунчица откри дека љубовта и поддршката на нејзиниот син биле пресудни за да ја објави песната:
„Марк е мојот најголем успех, мојата гордост и мојата сила“.
Освен музиката, Сунчица се посветила и на други области. Таа ја лансираше платформата за животен стил и долговечност LeSun (www.lesun.it), достапна на италијански, англиски и хрватски јазик, каде што пишува за здрав живот, патувања и инспиративни луѓе од светот на музиката, спортот и претприемништвото.
Таа е активна и во областа на недвижностите и дигиталниот маркетинг.
View this post on Instagram
Инаку, Нина и Сунчица имаат и постара сестра Дијана, за која јавноста најмалку знае.
