На познатиот пејач Дино Мерлин синоќа му се слошило околу 21 часот во Баш-чаршија во Сараево, поради што реагирала итната помош, која за неколку минути дошла и го однела пејачот во болница, објави хрватскиот портал „24сата“.
– Јас и мојата пријателка седевме во паркот спроти неговата продавница. Потоа ја здогледавме Брзата помош, влегоа во неговата продавница, а недолго потоа тој излезе со нив надвор – јавиле читатели на „24сата“.
Итната помош пристигнала во неговата продавница „Магаза“, која се наоѓа во Баш-чаршија.
– Изгледаше многу лошо, едвај одеше. Јас живеам овде, па често го гледам. Одвреме-навреме доаѓа во својата продавница – додал очевидецот.
Како што неофицијално дознаваат, на Дино Мерлин му се слошило околу 21 часот, но е надвор од животна опасност. Пејачот бил во друштво на својата ќерка Наида, која му е десна рака и лична асистентка, а која синоќа го придружувала до болницата.
Во меѓувреме, се огласи менаџментот на Дино Мерлин и објасни каква е здравствената состојба на пејачот.
– Дино е добро. Се чувствува добро. Му се слоши, но сега е одлично. Тој е дома во Сараево – тврдат за „Дневни аваз“ од неговиот менаџмент.
Се огласи менаџерот на Дино Мерлин: Еве во каква здравствена состојба е пејачот
