Јелена Карлеуша пред неколку години се пофали дека Канје Вест ја следи на Инстаграм. Сега во интервју за „Информер“ таа откри дека тој ја блокирал во меѓувреме.
Најпрво се осврна на веста дека Ким Кардашијан ќе дојде во Белград овој јуни за да отвори нова филијала на нејзиниот бренд „СКИМС“.
„Не знам дали навистина доаѓа. Ако дојде, мило ми е што ќе го види Белград. Јас сум обожавател на нејзиниот бренд, зошто да не бидам на отворањето? Ќе ѝ испратам порака“, рекла Карлеуша.
На прашањето како Канје би реагирал доколку ја види во друштво на поранешната сопруга, таа открила:
„Еве една ексклузива! Кога се појавив на шоуто ‘Ветементс’ во Париз, Канје многу ми се налути, а не знам зошто. Ме блокираше на Инстаграм, иако го поканив да дојде. Имаше проблем. ‘Баленсијага’ и ‘Ветементс’ имаат свои кланови, па кога се појавив таму, тој повеќе не ми беше пријател“, рече таа.
Потсетуваме, Јелена застана во одбрана на Канје во 2022 година, откако тој носеше маица со натпис „White Lives Matter“.
„Да се каже „Белите животи се важни“ е најгенијалниот начин да се стават белите луѓе во иста незавидна положба како и црнците. Затоа што сè во животот е важно. Да се каже овој слоган и смело да се стави на една маица беше најголемиот придонес за црното култура која некогаш била дадена од еден човек во модерното време“, напиша таа, но набрзо ја избриша објавата.
