Холивудската глумица открива: „Ме исмејуваа што зборував за холивудската мизогинија на почетокот на мојата кариера“.
Меган Фокс неодамна даде интервју за Glamour UK и зборуваше за тоа колку била исмејувана на почетокот на нејзината кариера бидејќи зборувала за мизогинијата во Холивуд. Актерката често зборуваше за тоа колку била објективизирана на сетовиве, односно гледана како предмет.
Дополнително, во минатото, таа осудуваше колку е морничаво да се танцува во бикини под водопад на 15-годишна возраст додека снимала мал дел во филмот Bad Boys 2. Сега, Фокс вели дека решилапосебно да се позанимава со холивудската мизогинија, иако тоа го направи и многу порано преку движењето #MeToo.
Во неодамнешното интервју за Glamour, Меган Фокс рече: „Мислам дека сум напред пред движењето #MeToo речиси една деценија. Отсекогаш сум зборувала против некои навредливи, мизогини и патријархални работи што се случуваа во Холивуд во 2008 и 2009 година, долго пред луѓето да бидат подготвени да го прифатат или толерираат. А всушност бев исмеана што го направив тоа. Мислам дека луѓето штотуку „најдоа“ време да се позанимаваат со тоа, во ретроспектива“.
View this post on Instagram
Меган Фокс рече дека поради сето ова никогаш не зажалила што го кажала своето мислење за филмската индустрија, додавајќи:
„Жалам што мојата личност е толку несфатена за луѓето, мојата смисла за хумор е несфатена. Мојата интелигенција не е препознаена. И тоа е за жалење. Понекогаш се чувствувам како да ја трошам енергијата, давајќи им се на луѓе кои не ме разбираат и нема да ме ценат, но никогаш не сум имала момент кога ќе погледнам наназад и ќе помислам: не требаше да го кажам тоа. . Дури и страшните работи ме натераа да работам толку напорно на себе што пораснав поради тоа“.
