Пејачката Марија Микиќ, по разводот од сопругот Јован Пантиќ, со кого има две деца, ќерката Ѓурѓа и синот Милија, замина на одмор во Црна Гора. Имено, Јован покажа дека ужива во одморот на егзотична дестинација, додека Марија и нејзините наследници отидоа на црногорскиот брег.
Тие веќе неколку дена уживаат на плажите, вечерните прошетки и излегувањата, а сега решија да го посетат манастирот Свети Василиј Острошки, од каде што ги сподели и најновите фотографии.
Марија стави црна марама на главата и позираше со насмевка, а нејзината ќерка беше цело време до неа. Исто така, фотографираше прекрасна сцена од мачка со своето младенче пред влезот во манастирот, што многумина ги воодушеви.
Инаку, недоамна Марија за српски „Курир“ проговори за разводот.
– Драги мои новинари, слободно можам да кажам колеги, а секако и пријатели. Во овие тешки времиња што нè снајде, освен сè што се случува околу нас, се случува и она што се случува во нашите срца. Мислам дека долго време ви должам одговори на некои прашања и не се чувствувам добро поради тоа. Причината зошто не се огласив е затоа што сите вие прашувавте и баравте одговори од мене што не можев ниту самата да си ги дадам. Поминував низ многу тежок период во мојот живот во сите области, освен операцијата и моето здравје, за кои бевте информирани, повеќето прашања беа за мене и мојот сопруг. Дури кога можам да си го кажам гласно, решив да ви кажам и вам. Јован и јас решивме повеќе да не бидеме заедно. Животните патишта и приоритетите нè одведоа на спротивставени страни и покрај нашите напори да надминеме тежок период, не успеавме. Од нашата љубов, која беше најголемата што некогаш сум ја почувствувала, добивме два ангела. Ти благодарам, Господе, за нив и за љубовта што ми дозволи да ја доживеам. Тешко е кога си сонувал за сè со некого и тоа си заминало. Ве молам, разберете ме“, изјавила Марија за Курир.
