Маја Шупут во вторникот одржа концерт во Умаг. Таа ја забавуваше публиката со своите најпознати песни, а потоа на сцената ѝ се придружи еден обожавател, кого пејачката го бакнуваше додека тој ја прегрнуваше, пренесува хрватски „Индекс“, а фотографиите можете да ги видите ТУКА.
Сцената се случи неколку дена откако медиумите ја поврзаа со Шиме Елез од „Господин совршен“. Некои објавија дека Маја и Шиме биле фатени „во страсна романса“ на јахта покрај Брач.
Потоа Маја коментираше за нивната врска. „Видете, ќе го убијам шармот ако ви кажам сега! Би сакала, бидејќи со денови сме први на трендинг, и не знам дали сме во тренд поради песната или дали луѓето само сакаат да видат дали има хемија помеѓу нас или не, па би сакала луѓето сами да проценат кога ќе го гледаат видеото. Дали сме толку добри актери или е вистинска хемија“, изјав 45-годишната пејачка во интервју за списанието „Ин“ .
Шиме исто така се огласи откако јавноста ги виде нивните заеднички фотографии.
„Секогаш сум бил транспарентен, а така ќе продолжам и сега. Во објавениот текст, најмногу ме погоди лажната информација дека Маја ми донела овошје – бидејќи никогаш не би си дозволил таков пропуст. Имено, јас ѝ донесов овошје. Покрај тоа, ви посакувам на сите пријатен остаток од летото и се надевам дека ќе биде како моето. Од дното на моето срце. Поздрав со текстот на песната „Sutra mi sude“, од легендарниот Миша Ковач“, рече Шиме.
