Санела Дијана Џенкинс е родена како Санела Дијана Ќатиќ во 1973 година во Сараево, а денес е синоним за успех, луксуз и хуманост.
Оваа претприемачка, филантроп и медиумска личност поминала низ неверојатно патување – од воен бегалец до жена чие богатство се проценува на околу 300 милиони долари.
Опсадата на Сараево ја одбележала нејзината младост, а особено трагичната загуба на нејзиниот помлад брат Ирнис, кој бил убиен неколку дена пред Дејтонскиот мировен договор. Санела избегала во Хрватска, а потоа во Лондон, каде што дипломирала компјутерски науки и економија на City University.
По студиите, во Лондон станала косопственичка на луксузната линија костими за капење „Мелиса Одабаш“, омилена меѓу светските ѕвезди. Во 2009 година, се преселила во Калифорнија и го лансирала „Неуро Дринкс“ – бренд на функционални пијалаци кои брзо се пробиле на глобалниот пазар. Таа, исто така, ја води и музичката издавачка куќа „Д Емпајер Ентертејнмент“.
Санела е позната по своите големи филантропски активности. Таа ја основала Фондацијата „Ирниш Ќатиќ“ во чест на нејзиниот покоен брат, со фокус на поддршка на Медицинскиот факултет во Сараево. Го започнала Проектот за човекови права, првата западна клиника за меѓународно право и човекови права. Таа, исто така, помогнала во Хаити по земјотресот, во соработка со актерот Шон Пен, и е активна во бројни глобални хуманитарни иницијативи.
Ѝ стана позната на пошироката јавност надвор од деловните и хуманитарните кругови во 2022 година, кога се приклучи на реалното шоу „Вистинските домаќинки од Беверли Хилс“. Иако остана во шоуто само една сезона, таа остави траен впечаток.
Санела била во брак со банкарот Роџер Џенкинс од 1999 до 2011 година, со кого има две деца. Моментално е во врска со музичарот Ашер Монро, со кого има ќерка родена во 2023 година, која ја родила на 50-годишна возраст.
Иако живее во странство повеќе од 30 години, таа сè уште добро го зборува мајчиниот јазик.
„Доаѓам тука секоја година откако заврши војната. Моите деца сега го зборуваат подобро од мене. Изгубив малку од книжевната страна, повеќе е на ниво на улица“, објасни таа.
Има само едно нешто што ѝ недостасува од овој дел од светот во Америка.
„Овие делови од светот имаат едно нешто што Америка го нема, овие делови имаат душа“, рече таа, пренесе дневни.хр.
