Денеска почина Анкица Туѓман, сопругата на првиот хрватски претседател Фрањо Туѓман. Родена е во јули 1926 година во Загреб, каде што се школувала до приклучувањето на партизаните во пролетта 1944 година. Таа година го запознала и нејзиниот иден сопруг Фрањо Туѓман. Една година подоцна, веднаш по завршувањето на Втората светска војна, во мај 1945 година, Анкица се омажила за Фрањо Туѓман.
На 18-годишна возраст го запознала својот иден сопруг во Чазма, каде што тој бил началник на одделението на 10-от загрепски корпус на ЈНА. Во јануари 1945 година од Чазма се префрла во Високото заповедништво во Белград, враќајќи се во Загреб откако партизанските сили го ослободиле во мај 1945 година. Потоа со Туѓман се преселила во Белград и се вработила во Министерството за надворешни работи на СФР Југославија.
Во 1954 година матурирала и се запишала на студии по англиски јазик на Универзитетот во Белград. Но, ги напуштила студиите во втора година и избрала курс по англиски јазик во југословенското Министерство за надворешни работи. Во 1960 година нејзиниот сопруг бил унапреден во чин генерал-мајор, но во 1961 година решил да ја напушти војската, а целото семејство се вратило во Загреб. Таму Фрањо Туѓман го основал Институтот за историја на работничкото движење во Хрватска, со кој раководел до 1967 година, кога бил разрешен и принуден да го напушти членството во Сојузот на комунистите на Југославија. Фрањо Туѓман бил осуден на затворска казна во 1972 и 1981 година.
На парламентарните избори во 1990 година, првите повеќепартиски избори во Хрватска по повеќе од 50 години, Хрватската демократска заедница на чело со нејзиниот сопруг освои големо мнозинство во Собранието, а на 30 мај беше избран за претседател на Претседателството на Републиката на Хрватска.
S tugom smo primili vijest da je preminula Ankica Tuđman, supruga prvog hrvatskog predsjednika i utemeljitelja suvremene 🇭🇷 dr. Franje Tuđmana. 🙏 Počivala u miru Božjem. Ožalošćenoj obitelji, rodbini i prijateljima gospođe Tuđman izražavamo duboku i iskrenu sućut. 🕯 pic.twitter.com/vWeplSdqyS
— HDZ (@HDZ_HR) October 6, 2022
Од 1991 до 1995 година, траела „татковинската војна“ во Хрватска, а Анкица ја основала Хуманитарната фондација за децата на Хрватска, непрофитна невладина и хуманитарна организација за помош на децата на учесниците во војната и на децата од посиромашните семејства.
По смртта на нејзиниот сопруг во декември 1999 година, таа и нејзиното семејство често беа јавно критикувани, особено од наследникот на Туѓман на местото претседател, Стјепан Месиќ. Анкица, членка на ХДЗ од нејзиното основање во јуни 1989 година, беше исклучена од партијата преземена од Иво Санадер. Во 2006 година ја објавила книгата „Мојот живот со Франчек“.
Покојната Анкица Туѓман се најде во центарот на вниманието во 90-тите години откако Анкица Лепеј открила дека во Загребската банка има 210.000 марки и речиси 16.000 долари, кои тогашниот претседател не ги навел во имотната книшка.
Нејзиниот син Мирослав Туѓман во едно интервју опишал како е да растеш во нивното семејство.
„Пораснав во куќа во која не се кажуваа шеги и не се пиеше алкохол“, рекол тој во таа прилика.
