Музичката ѕвезда Јелена Карлеуша деновиве престојува во Македонија каде на 19 октомври ќе одржи голем солистички концерт во Скопје. Таа како гостин во поткаст зборуваше за многу теми од нејзиниот живот кои ја интригираат јавноста, а се осврна и на музичкиот натпревар „Ѕвезде Гранда“ кој го напушти пред три години, но се осврна и на здравствената состојба на креативниот директор на продукцијата „Гранд“, Саша Поповиќ.
– Многу ја сакав „Ѕвезде Гранда“ и кога се случи сето тоа, кога ја прекинавме соработката…Прекинавме затоа што за првпат побарав хонорар после шест години. Дотогаш ја правев емисијата бесплатно, не земав ни динар и првиот пат кога побарав пари, тогаш Саша Поповиќ ја покани Цеца, која се согласи да го направи тоа за мали пари, а јас се разочарав и навистина плачев тогаш – признала Јелена.
Поп дивата потоа проговори за здравствената состојба на Поповиќ.
– Саша е болен. Не знам дали е моја работа да зборувам јавно за тоа, да не ми замери, но многу е болен. Мислам, претпоставувате за што се работи – рекла Карлеуша.
