Јелена Карлеуша реши да ги изненади своите ќерки Атина и Ника со роденденско патување во Париз, каде поминаа неколку дена.
Пејачката за ова кратко патување издвои речиси 20.000 евра, а нејзините сакани, продуцентот и таа престојуваа во еден од најлуксузните хотели во француската престолнина, каде ноќевање моментално е 1.850 евра по лице, пишува српски „Курир“.
Станува збор за хотел кој го обожаваат сите светски ѕвезди во строгиот центар на Париз, а на своите гости меѓу другото им нуди и ресторан со две Мишелин ѕвезди, како и огромен спа центар од 900 квадратни метри. Секоја соба има прекрасна тераса со поглед на Париз, а се наоѓа на само 150 метри од познатиот плоштад Вандом и десет минути пешачење од Елисејските полиња.
Јелена престојува во градот на светлината неколку дена, а оваа прилика ја искористи за своето омилено хоби – шопингот. Со оглед на тоа што хотелот се наоѓа на улица каде што своите бутици имаат најпознатите светски брендови, сигурно нема да ѝ биде тешко.
Инаку, Јелена при посетата на Париз го посети и Дизниленд со своите ќерки. На патувањето не отишол со нив поранешниот фудбалер Душко Тошиќ, но се потрудил да ги изненади своите деца, па испратил два букети цвеќе во луксузниот хотел.
