Кејти Пајпер била мис и модел на врвот на нејзината кариера кога бившото момче кое ја демнело најмило професионалец да ја полие со киселина. Таа денес гласно зборува за она што го доживеала за да им помогне на жените кои биле жртви на некаков облик на насилство.
Таа 2008 година, Кејти имала сè за што сонувала – била на врвот на кариерата, ја имала освоено титулата Мис Винчестер, работела како водителка и модел, заработувала многу пари…
Нејзиното тогашно момче, Даниел Линч, во напад на љубомора ангажирал професионалец кој ја полил Кејти со сулфурна киселина, а по овој монструозен чин кожата на лицето целосно и се стопила, коските и биле оштетени, го изгубила видот на едното око, а повредени и биле очите и делови од раката.
Меѓутоа, тоа не било се. Даниел претходно ја силувал и малтретирал цели 8 часа. Киселината била само „завршување на неговата одмазда“.
Напаѓачот мирно одел по улицата додека не наишол на Кејти, а потоа фрлил киселина врз неа. Девојката во агонија истрчала во првото кафуле каде што гостите и помогнале.
Повредите биле страшни, а фотографиите направени околу една година по инцидентот сведочат за состојбата во која се наоѓала Пајпер.
Досега имала околу 400 операции, а последната била трансплантација на кожа на десниот очен капак.
Првиот пат кога сфатила дека мора да раскаже за се што проживеала било речиси 2 години по ужасниот инцидент. По криењето од луѓето и паничниот страв од мажите, сфатила дека мора да ја врати контролата, а еден од начините бил јавно да зборува за се и со тоа да им помогне на другите жени кои преживеале некаков облик на насилство.
„Се сеќавам на времето кога не сакав никого да видам и не сакав никој да ме види. Се сеќавам колку се плашев од луѓето, особено од мажите. Се плашев од целиот свет. Се сеќавам дека зборувањето за оваа траума беше невозможна мисија во тоа време“, рече тогаш таа.
View this post on Instagram
Многу и помогнало тоа што набрзо по нападот полицијата успеала да го лоцира, а потоа бил осуден на доживотен затвор.
Денес, Кејти е инфлуенсерка, радио водителка и ТВ-личност и ги користи своите платформи за да им помогне на сите што поминал низ нешто слично. Поради нејзиниот позитивен став, таа ги освои срцата на луѓето ширум светот. Таа напиша три книги за своето трагично искуство, а во 2011 година беше прогласена за жена на годината.
Среќата ја нашла и на љубовно поле.
Иако мислела дека никогаш повеќе нема да може да има доверба во ниту еден маж, Ричард Џејмс Сатон бил упорен да ја придобие, а двојката го кажала судбоносното „да“ на тајната венчавка во декември 2017 година.
View this post on Instagram
Во меѓувреме добија и две деца, две ќерки, Бел Елизабет и Пенелопе Дијана, а како што вели, кога ќе пораснат ќе им ја раскаже целата приказна.
View this post on Instagram
