Сопругата на Петар Грашо, музичарката Хана Хуљиќ, за првпат раскажа како се справила со улогата на мајка и со какви предизвици се соочила.
Брачната двојка има тригодишна ќерка и шестмесечен син, а Хана признава дека не ѝ е лесно и дека не би одлучила да има уште едно дете доколку немала помош.
– Со моето второ дете сум малку попаметна бидејќи научив дека е во ред ако го оставам да се грижи некој за него некое време. Но, не беше лесно со првото. Постојано се чувствував виновна ако не бев со неа. И тогаш сфатив дека никогаш не можам да се ослободам од таа грижа на совеста. Сепак, треба да одам некаде сама и да си направам нешто за себе барем еднаш неделно – изјави Хана.
Како што истакнува таа, несоницата е голем проблем за неа.
– Секој ден кога се гледам во огледало, сум бледа, разбушавена и еден ден не ми е гајле, а следниот сакам сакам да се средам. Секој ден е нова борба. Хормоните исто така играат улога во ова. Секогаш велам дека сум хормон на одење. Или сум нервозна или сум во одлично расположение. Не би сакала да бидам таква, но сфатив дека едноставно е така – рече Хана, а потоа додаде:
– Не сум спиела три години и ми треба повеќе фокус, чекам да почнам да се враќам на старото јас. Работата од дома не ми функционираше, полесно ми е да одам во студио. Сè уште учам и се мачам со тоа. Потешко ми е да се одвојам од децата бидејќи сум со нив секој ден. Мислам, домот е навистина најубав, но убаво е и да се промени околината – мисли таа.
Таа, исто така, откри како доаѓањето на децата влијаело врз нејзиниот сопруг Петар Грашо.
– Тој исто така многу се промени откако пристигнаа децата. Не можеше да верува во толку голема љубов. Не можеше да верува дека толку многу ќе му недостигаат децата. Уште повеќе девојчето, бидејќи тој знае повеќе за неа. Сега, секако, таа зборува и е мала личност. Тој е повеќе приврзан кон неа, бидејќи Тони е сè уште бебе и нему му требаше време да се поврзе со неа на начинот на кој се поврзани денес – рече Хана.
– Дури и кога игра некаде далеку, во текот на ноќта се враќа дома што е можно поскоро затоа што многу му недостига, а тоа никогаш порано не го правел. Во секој случај, Петар и јас сме тим и успеавме да се договориме кој што прави – додаде таа.
За потсетување, Хана и Петар се венчаа во февруари 2022 година во црквата „Света Доминика“ во Сплит, а на венчавката присуствуваа најблиските пријатели и семејство.
