Српската пејачка Гоца Тржан неодамна започна бизнис со угостителство. Пејачката со својот сопруг Раша Новаковиќ отвори кафуле и ресторан на Ада Циганлија, кој нуди и услуги во спа и велнес центар.
На позициите келнери, готвачи, чувари и обезбедувачи се Срби, но, Гоца вработила и Кинезинка. Таа работи како хигиеничарка, а својата работа ја извршува беспрекорно.
Иако надвор е екстремно жешко, Кинезинката носела тренирки со ракави и долги ногавици. Цело време ср врткала околу гостите и собирала сè што на гостите не им требало.
Ова не е прв случај јавни личности да вработуваат странски државјани, па така пред две години се дозна и дека Светлана Цеца Ражнатовиќ има странец во својата куќа. Таа вработила жена од Азија, која исто така работи како домашна помошничка во нејзиниот дом.
Како што објавија српските медиуми, Гоца и Раша издвоиле 90.000 евра за овој бизнис со цел да создадат вистински рај за себе, но и за своите гости.
По години поминати во музичкиот свет, Гоца Тржан и Раша Новаковиќ одлучиле да си ја пробаат среќата и на претприемачко поле.
Кон крајот на мај, тие отвориле кафуле со спа-центар на брегот на „белградското море“, а богатата музичка и социјална содржина привлекува сè повеќе посетители секој ден. Покрај секојдневните активности, кафулето на пејачката Гоца Тржан организира и вечерна забава и журки за љубителите на ноќното забавување.
– Да, слушнавме од луѓе дека Гоца отворила кафуле. Убаво е, често ја гледаме тука, но мислам дека нејзиниот сопруг е задолжен за водење на бизнисот, таа е таму за да управува (се смее) – изјавил изворот за медиумите.
Како што објавија медиумите, пејачката го изнајмила овој простор на 10 години.
Пејачката еднаш откри дека не сака музиката да ѝ биде единствен извор на приход, бидејќи размислува за иднината, и за својата и за иднината на нејзината ќерка.
