Поранешниот дефанзивец на Шпанија и Барселона, Жерар Пике објави фотографија со својата нова љубовница Клара Чиа Марти, поради која раскина со Шакира. Тој ја сподели фотографијата со претплатниците на Инстаграм.
View this post on Instagram
На објавената фотографија, на маса седат 35-годишниот Жерар Пике и 23-годишната Клара Чиа Марти. Фудбалерот нежно се гушнал со својата девојка додека таа прави селфи, а двајцата се смешкаат додека гледаат во камерата.
Првата заедничка фотографија на Пике и Чиа Марти предизвика бурни реакции. Сепак, оние кои се восхитуваа на парот беа во малцинство.
„Никој не се споредува со Шакира“, „Купи ѝ повеќе џем“, „Очигледно тој само сака да го покаже своето Twingo“, напишаа корисниците на социјалната мрежа.
Минатиот јуни, Шакира и Жерар Пике раскинаа по 11 години романса и раѓање на два сина. Причината за раскинувањето било неверството на фудбалерот со студентката Клара Чиа Марти. Во својата нова песна, Шакира рече дека „вреди за две 22-годишнички“ и му посака на Жерар Пике, кој „го сменил Ферарито за Рено Твинго и Ролексот за Касио“, отсега да тренира не само мускули, туку и мозок. .
