Српската пејачка Јелена Карлеуша минатиот викенд одржа концерт за паметење во преполниот плоштад во Челинац, каде ја воодушеви публиката со енергичниот настап, но и со својот стајлинг – металик сива каубојски стил.
Веднаш по настапот, Јелена со приватен авион отпатува за Црна Гора, каде истата вечер имаше настап во Будва.
Меѓутоа, бидејќи целото патување било испланирано до минута за да стаса од Република Српска до Црна Гора, српската поп ѕвезда немала време ниту да се пресоблече, па во истиот секси стајлинг на футуристичка каубојка во кој пеела во Челинац, отишла и на аеродромот.
Нејзиниот стајлинг, во кој до израз дошле нејзиното извајано тело и совршено деколте, го привлекло вниманието на сите службеници на аеродромот, особено на цариникот на пасошката контрола, кој имал голема мака додека го проверувал пасошот на Јелена.
Да потсетиме, самата Јелена раскажа како изгледала нејзината невозможна мисија тој ден:
– Вака куцам до авионот среде ноќ на пистата и разговарам со Милица Павловиќ, облечена како вселенски каубој, затоа што штотуку се симнав од сцената во Челинац и „трчам“ да полетам и да стасам на настапот кој започнува за 3 часа во Будва. Голема благодарност до сите вработени на аеродромот во Бања Лука и голема благодарност до сите на аеродромот во Подгорица што трпеливо ме чекаа и се правеа дека е сосема нормално да се види сребрено чудо со шашир! Ми помогнаа да изведам голем „подвиг“ и да одржам два концерта во иста вечер, ноќ. Да, беше тешко, не ги чувствувам ниту крилјата ниту нозете во моментов, но се надевам дека публиката беше задоволна!!! За крај, ѝ благодарам на Милица која е „виновна“ за овој „потфат“ – напиша ЈК.
