Баба (82) се јавила да закаже состанок со миленикот на жените, српскиот актер Иван Босиљчиќ, убедена дека е „и доктор и актер“.
Актерот Иван Босиљчиќ во серијата „Ургентен центар“ го игра детскиот лекар, д-р Арсиќ.
Сега преку социјалната мрежа Икс, поранешен Твитер, еден корисник сподели објава во која вели дека мајката на неговиот пријател му се јавила на Босиљчиќ да закаже преглед, бидејќи го гледала во серијата, а неговиот лик го видела и на еден билборд на една клиника.
– Мајката на мојот пријател која има 82 години, без проблем се јавила да закаже кардиолошки преглед кај Босиљчиќ бидејќи го видела на билборд. Не ми е добро од толку смеење – стои во споменатата објава, а потоа истиот корисник додава:
– Вели дека тој е и доктор и актер, го видела во некоја серија.
„Паметна жена“, „Ми го разубави денот“, „Имаш ли барем приближна слика за тоа како ќе бидеш на 82 години? За мене госпоѓата е царица! Нејзе сè уште ѝ е важно како изгледа докторот. Браво!“, „Се надевам дека ѝ објасниле дека тој е педијатар“, се само дел од коментарите.
Инаку, Иван Босиљчиќ е во среќен брак со пејачката Јелена Томашевиќ.
