Поранешниот сопруг на пејачката Драгана Мирковиќ, бизнисменот Тони Бијелиќ започна нова романса во која моментално ужива, дознава српски „Телеграф“.
Имено, како што откри извор близок до бизнисменот за српски „Телеграф“, станува збор за Италијанка која е во петтата деценија од животот.
Тони Бијелиќ ужива со многу богата жена, а љубовта се случила сосема спонтано во Романија, каде што се запознале.
– Таа е многу богата, поточно, милионерка е. Љубовта се роди сосема непланирано, избувнала во текот на нивната прва средба во Романија. Тие се запознале преку заеднички пријатели. Сега тие уживаат, далеку од очите на јавноста – изјавил извор за „Телеграф“.
Двајцата во моментот престојуваат во луксузната вила на Тони во Опатија, која ја изградил пред неколку години, а во која се вселил откако се разделил од Драгана Мирковиќ и го напуштил замокот во Виена.
Да потсетиме, Драгана со соопштение ја информираше јавноста дека се разведува од Тони, со кого доби две деца – ќерката Мануела и синот Марко:
„Како некој што целиот свој живот го изградил врз чесност, чувствувам морална обврска денес да се обратам до целата јавност. Со голема тага морам да ве известам дека поднесов барање за развод. Долго време, мојот однос со Тони не беше како порано, а во последните три години практично водевме одвоени животи и не живееме под ист покрив. И покрај сите непомирливи разлики, заради моето семејство и затоа што сум воспитана на тој начин, направив сè за да ја спасам заедницата што некогаш ја имавме. Сепак, со текот на времето, таа разлика стана поголема и сфатив дека им нанесуваме поголема штета на нашите најблиски со тоа што насилно остануваме во нешто што не функционира долго време, отколку со тоа што ставаме крај на нашиот брак.“
