По триумфот во Белград и Ниш, каде без реклами ги наполни салите и го доби прекарот српска Адел, Тања Савиќ реши да направи мала пауза и да замине на зимски одмор со семејството.
Од сите зимски дестинации, музичката ѕвезда го избра Копаоник, каде уживаше во сѐ што има да понуди српската планина.
Тања е позната како некој што сака зимски спортови, па помина неколку дена на скијање, а со тоа ги наполни батериите пред продолжението на турнејата што ја очекува.
– Искрено, освен што физички се активирав и тоа ме радуваше, добро ми беше тоа што сум на планина да си ги разбистрам мислите и да соберам впечатоци за сѐ што ми се случуваше претходните месеци. Сè уште сум пресреќна, малку изненадена од количината на љубов што ја добив од публиката, а која ја вратив и ќе ја враќам – рече таа и додаде:
– Им благодарам на оние кои ме сакаат, ме одржуваа во сите времиња што се зад мене, а убедена сум дека нашите најдобри денови допрва доаѓаат – изјави Тања која ја чекаат два големи концерти во Краљево и Нови Сад, а потоа ја продолжува турнејата за која наскоро ќе објави нови термини.
