Денес разговараме со Наташа Цветковска, чевларски работник, голема љубителка на цвеќе, а со цвеќарство се занимава од многу одамна.
Наташа и сопругот се грижат за голем двор, од 600 квадратни метри, кој се наоѓа во кумановската населба Ајдучка чешма.
– За одгледување на цвеќињата и растенијата и грижа за дворот сме одговорни јас и мојот сопруг кој е исто така голем љубител на цвеќе – ни открива Наташа.
Ваквата убавина си бара и голема посветеност, а тие посветуваат по најмалку два часа дневно на дворот.
– Во дворот доминираат сарделите бидејќи тие цветаат цело лето и не бараат многу внимание, исто така ги сакам и петуниите и сурфините кои бараат многу внимание и посветеност – вели Наташа.
Кога дворот е во прашање, таа сака да ужива во убаво среден двор и да им се восхитува на цвеќињата кои вниманието кон нив го враќаат со преубави цветови – како што ни раскажува нашата соговорничка.
За крај, прашуваме за совет за оние кои сакаат да почнат да се занимаваат со градинарство.
– Како прво, треба да бидат големи љубители на цвеќе, а за почеток би препорачала цвеќиња што не бараат големо внимание, а се убави украси во дворовите – вели Наташа.
Инаку, Наташа е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Ви ја носиме атмосферата од преубавиот двор преку фотогалерија.
Фото – приватна архива
