Српскиот актер Сергеј Трифуновиќ се огласи на Инстаграм откако беше депортиран во Србија.
Тој објави фотографија од сопругата Исидора и нивното куче чие име е Миле.
„Дали Миле е пливачот од плажата во Сплит?“, „Дали е тоа ‘страшното’ куче?“, се пошегуваа луѓето во коментарите под објавата.
View this post on Instagram
Имено, Миле со актерот пливаше минатата година на плажа во Сплит. Полицијата потоа пристигнала на плажата откако добила пријава дека Трифуновиќ го чува својот германски овчар без надзор, а актерот бил приведен поради навреди упатени кон полицијата.
Сергеј Трифуновиќ неодамна беше протеран од Хрватска на три месеци. Овој пат санкцијата не важи за ЕУ, туку само за Хрватска. Одлуката за протерување стапила на сила на 23 септември, па на 22 септември Трифуновиќ ја напуштил Хрватска и се вратил во Белград. Со него цело време била неговата сопруга Исидора, родум од Риека.
Тој беше уапсен пред две недели околу полноќ на граничниот премин Бајаково додека поминувал од Србија кон Хрватска. Потоа бил спроведен во Општинскиот суд за прекршоци во Сплит. Трифуновиќ пред судот еден ден претходно изјави дека не се чувствува виновен за она за што е обвинет.
Тој се товари по член 5 и член 17 од Законот за прекршоци против јавниот ред и мир. Во член 17 од Законот за прекршоци против јавниот ред и мир се вели: „Тој што омаловажува или навредува државни органи или службени лица при извршување или во врска со извршување или нивни законски наредби, ќе се казни со парична казна од 700 до 4000 евра или затворска казна до 30 дена“.
Предмет на истражувањето беше објава на социјална мрежа на 10 септември минатата година. Полицијата претходно потсети дека постои основано сомнение дека Трифуновиќ сторил прекршување на член 5 и член 17 од Законот за прекршоци против јавниот ред и мир.
Објавил текст со недолична содржина, во кој истовремено грубо ги омаловажувал полицајците, наведувајќи дека сплитските полицајци изнудиле над илјада евра“, тврдат од Сплитско-далматинското јавно обвинителство. За навреда на полицијата доби условна казна затвор од 60 дена со пробен период од една година.
