Италијанското Гран При на Формула 1 се одржа во недела на познатата патека Монца, на која победи Макс Верстапен. Оваа година, трката собра бројни фанови на Формула 1, а меѓу нив беше и регионалната ѕвезда Сенида.
Имено Сенида објави фотографии на социјалните мрежи, каде се пофали со црвена комбинација во стил целосно инспириран од Ферари и тркачките комбинезони.
View this post on Instagram
За оваа пригода, таа избра црвен кожен сет кој се состоеше од широки панталони со висок струк и топ со необично деколте, а изгледот го комплетираше со преголема кожена јакна и значки на Ферари.
На гламурозниот стил додаде црни очила за сонце во форма на мачкини очи, златни обетки и високи потпетици, додека косата ѝ беше собрана во лабава пунџа со прамени што го врамуваа нејзиното лице.
