Како што објавија српските медиуми, водителот и актер Милан Калиниќ и неговата сопруга Сандра решиле да стават точка на бракот на почетокот на годината, по 18 години заеднички живот, кога сфатиле дека за нив и за нивните деца е најдобро што секој да тргне по својот пат.
Тие, наводно, многу брзо се договориле спогодбено да се разведат и да го поделат брачниот имот, за сè да помине што побрзо и побезболно, пред сè, заради доброто на нивните две деца, пишува српски „Курир“.
По веста за разводот на славниот пар, Сандра не се огласуваше. Дури сега на својот инстаграм-профил објави фотографија која потврдува дека сопругата на Милан Калиниќ е многу среќна.
Имено, нејзината добра пријателка е во бремена, а очигледно дошло време да се открие полот на бебето, па од сините балони и синиот елек на Сандра можело да се заклучи дека ќе биде машко.
На фотографијата може да се види како Сандра скока од радост и ужива во друштвото на својата пријателка која моментално го минува најубавиот период во животот, а таа како и секоја вистинска пријателка, ѝ е голема поддршка во ваквите моменти од животот.
Инаку, што се однесува до разводот, Милан веднаш прифатил станот во кој живееле заедно со години во Вождовац да им припадне на Сандра и нивните деца и тие таму ќе продолжат да живеат. Тој се преселил кај својата мајка во центарот на градот и веќе некое време живее таму.
Џипот и скутерот ќе ги задржи во своја сопственост, со кои секојдневно ги завршува сите обврски низ градот. Покрај станот, на Сандра ќе ѝ остане и еден автомобил, соопшти „Курир“.
