Страшни поплави ги погодија јужните делови на Босна и Херцеговина во ноќта меѓу четвртокот и петокот. Оваа природна непогода однесе многу животи и предизвикаа големи материјални штети особено во градот Јабланица.
Јавноста е шокирана од катастрофата што ги снајде луѓето во Босна и Херцеговина, а една од познатите личности која проговори за целата ситуација е пејачката Јелена Карлеуша.
Имено, таа сподели фотографија од поплавите, на која се гледа дека речиси цели куќи се потопени и ја извести јавноста дека ќе помогне на луѓето кои се погодени од оваа ситуација.
– Длабоко сочувствувам со луѓето кои настрадаа во Босна и Херцеговина. Ќе донирам пари, а ја користам приликата да ги поканам сите заедно да им помогнеме на загрозените, бидејќи само заедно можеме да го ублажиме целиот овој ужас и несреќа – напиша таа.
