Ќерката на основачот и креативен директор на „Гранд“ продукција, Саша Поповиќ, Александра Поповиќ, се огласи откако го загуби својот татко.
Таа на својот Инстаграм профил објави црно-бела фотографија од својот татко, а во пораката изрази благодарност до сите кои се со неа и нејзиното семејство во овој тежок период.
„Им благодарам на сите добри луѓе кои ни изразија сочувство и кои сочувствуваат со нас во нашата болка. Семејството Поповиќ“, напиша ќерката на Саша, заедно со емотикон со бело срце и раце кои се молат.
За потсетување, креативниот директор и основач на „Гранд“ продукција, Саша Поповиќ, почина на 1 март 2025 година, по кратко и тешко боледување.
Девет месеци се бореше со ракот, поради што се лекуваше во една од најдобрите клиники во Европа.
Последните денови ги помина во Париз, во болница, опкружен со семејството и со најдобрите пријатели.
Погребот ќе се изврши во четврток на 6 март на Бежанијските гробишта.
