Пејачот Пеѓа Јовановиќ трипати се разделуваше од сопругата Ана, со која има три деца, но сега пронајдоа мирно засолниште, откако тој реши да сврти нов лист и да ѝ даде на нивната љубов уште една нова шанса.
Иако Ана е активна на социјалните мрежи, не споделува семејни фотографии толку често. Но, сега направи исклучок.
Имено, Ана јавно му се обрати на Пеѓа по повод неговиот роденден и му испрати емотивни зборови, а покрај тоа, објави бројни фотографии од нивните деца, како и слика од породилното одделение што е направена пред 18 години.
– Иако ти го повторувам ова секој ден, сакам уште еднаш да ти кажам колку сум горда на тебе. На твојата храброст, сила, упорност, доследност и големо, чисто срце – напиша таа и додаде: Ти посакувам здравје, мир и да продолжиш по патот што го започна, а твоето семејство е тука да те поддржи и да ти даде ветер на грбот засекогаш. Те сакам!
Инаку, во еден период од својот живот, Пеѓа имал проблем со алкохолот, поради што имал проблеми во бракот.
