Црногорската актерка, продуцентка и истакната уметница Ивана Мрваљевиќ почина денеска, на 47-годишна возраст по долга борба со тешката болест. Веста за нејзината смрт ја потресе јавноста, а нејзината храброст и одлучност оставија длабока трага и во уметничкиот свет и во борбата против болеста.
Инаку, Ивана има ќерка која има само пет години, а последната објава на нејзиниот инстаграм-профил вознемири многумина.
Имено, покојната актерка во последните неколку дена на социјалната мрежа Инстаграм сподели емотивна фотографија со својата сакана ќеркичка од едно нивно заедничко патување.
View this post on Instagram
За потсетување, актерката Ивана Мрваљевиќ почина од последиците на тешката болест, а кога дознала за својата страшна дијагноза, буквално се онесвестила. Меѓутоа, кога нашла сила, одлучила да се бори, најмногу за доброто на својата ќерка, која ѝ била главен двигател.
– Затоа што многу луѓе мислат дека кога ќе кажете рак, тоа значи „збогум засекогаш“. Така и јас мислев на почетокот и почнав да се подготвувам за некои работи. Потоа дознав за целните терапии, начините на лекување кои се нудат. И тргнав во борба. И најголемиот страв и најголемата мотивација беше мојата ќерка. Најголемиот страв беше за нејзината иднина без мене. Во исто време таа ми беше најголемиот мотив да се изборам. Поради моето дете мислев дека имам само еден избор, да одлучам да победам – изјави Ивана за „Слободна Европа“ во октомври по повод месецот за превенција од рак на дојка.
